«Қазақмыс» қауымдастығы» ЖШС кенішіндегі қайғылы жағдайдың себебі 10 күннің ішінде анықталады

Алматы. 19 ақпан. ҚазТАГ – Валентина Владимирская. «Қазақмыс» қауымдастығы» ЖШС кенішіндегі қайғылы жағдайдың себебі 10 күннің ішінде анықталады, деп мәлемдеді премьер-министрдің орынбасары Қанат Бозымбаев.

«Екі арнайы кіші комиссия құрылды, оның бірі аварияның туындау себебін, екіншісі қандай техникалық қауіпсіздік талаптарының бұзылғанын анықтауы тиіс. Аталған комиссиялар өз жұмыстарын 10 күннің ішінде аяқтауы қажет», — деді Бозымбаев сәрсенбі күні.

Оның айтуынша, жалпы тергеу нәтижесі комиссия жұмысы аяқталған соң ұсынылады.

Еске салсақ, 17 ақпанда Ұлытау облысында «Қазақмыс» кенішіндегі тау жынысының опырылуы салдарынан жұмысшылармен байланыс жоғалған еді. Кейін Ұлытау облысы «Қазақмыс» кенішінде тау жынысының опырылуына байланысты «жедел желі» телефонының жұмысы ұйымдастырылды. 18 ақпанда Ұлытау облысында «Қазақмыс» кенішінде жеті жұмысшының денесі табылды. «Қазақмыс» ЖШС-де тау жынысының опырылу дерегі бойынша қылмыстық іс қозғалды. Қазақстан президенті Қасым-Жомарт Тоқаев кеншілердің қайтыс болуына байланысты көңіл айтты.